امسح حسابك وبياناتك
حسابك ملكك. المسح بيتم من إيدك انت، فورًا، ومن غير ما تبعت طلب لحد ولا تستنى موافقة.
آخر تحديث: ٢٤ أغسطس ٢٠٢٦
الخطوات
تلات خطوات، وبينتهي الموضوع في ثانية:
- افتح كلاكس — من التطبيق أو من الموقع — وسجّل دخول برقم موبايلك.
- روح على «الإعدادات».
- دوس «امسح حسابي» وأكّد. الحساب بيتشال في نفس اللحظة، ومفيش تراجع.
مش لازم يكون التطبيق متثبت عندك — افتح klaksapp.com من أي متصفح، نفس الخطوات بالظبط.
اللي بيتمسح فورًا
رقم موبايلك (المخزّن مشفّر)، عرباتك، استيكراتك وأكوادها، الأجهزة المسجّلة عندك للتنبيهات، وأي دعوات مشاركة ليك أو منك. بتتشال نهائيًا من قاعدة البيانات — مش بتتعلّم بعلامة «متمسوح» وتفضل مخزّنة.
اللي بيفضل، ومجهول
عناوين الإنترنت بتتمسح خلال ٧٢ ساعة. تفاصيل التنبيهات بتتجهّل بعد ٩٠ يوم. ولو مسحت حسابك، رقمك وعرباتك واستيكراتك بتتمسح نهائيًا وقتها. التنبيهات القديمة بتفضل أرقام مجهولة بس — من غير أي حاجة توصّل ليك ولا للي بعتها.
مش قادر توصل لحسابك؟
لو رقم موبايلك ضاع منك أو الخط اتقفل، وما تقدرش تستقبل كود الدخول، ابعتلنا من أي إيميل وإحنا هنمسح الحساب من عندنا. اكتب رقم الموبايل اللي مسجّل بيه عشان نلاقيه.
إيميل الدعمsupport@klaksapp.com
ممكن نطلب منك حاجة بسيطة تثبت إن الرقم بتاعك — عشان محدش يمسح حساب حد تاني.